‘සමාජවාදී ජනතා සංසදය’ විසින් 2025 මාර් තු 21 වෙනි දින පැවැත්වූ මාධ්‍ය සාකච්ඡාව!
කාලීන දේශපාලන තත්වය පිළිබඳව සමාජවාදී ජනතා සංසදය විසින් 2025 මාර් තු 21 වෙනි දින පැවැත්වූ මාධ්‍ය සාකච්ඡාවේ දේශපාලන මණ්ඩල සභිකයින්වූ ආචාර්‍ය්‍ය කල්ප රාජපක්ෂ, නීතිඥ ස්වස්තිකා ආරුලිංගම් මහාචාර්‍ය්‍ය සුමනසිරි ලියනගේ විසින් අදහස් දක්වන අවස්ථා.
ජාජබ ආණ්ඩුවේ දිශානතිය, දේශපාලන වැඩපිළිවෙල පිළිබඳව පොදු මහජනතාව ගැඹුරින් සිතා බැලිය යුතු කාලයක්!-කල්ප රාජපක්ෂ
ජාත්‍යන්තර මූල්‍ය අරමුදල සහ 2025 අයවැය ආශ්‍රිතව ආණ්ඩුවේ දිශානතිය කුමක්ද? පේරාදෙණිය විශ්වවිද්‍යාලයේ දේශපාලන විද්‍යාව පිළිබඳ ආචාර්‍ය්‍ය කල්ප රාජපක්ෂ අදහස් දක්වන අවස්ථාව!
“මම හිතන්නේ අපි, ඉතාම තීරණාත්මක දේශපාලන ක්‍රියාවලියකින් පස්සේ සමජයේ යම් විදියකට සේන්දු වෙලා තියෙනවා එන්පීපී රජය තේරුම් ගැනීමේ ක්‍රියාවලියකට. දැන් මේ රජයේ දිශානතිය, දේශපාලන වැඩපිළිවෙල පිළිබඳ ඉන්න පොදු මහජනතාව ගැඹුරින් සිතා බැලිය යුතු කාලයක ඉන්නේ. අද මාධ්‍ය සාකච්ඡාවේ ප්‍රධාන අරමුණ මේ සමාජයේ බරපතල පීඩාවකට පත්වෙලා ඉන්න අතිමහත් පොදු ජනතාවට මතයක් ඉදිරිපත් කිරීම.
හැමෝම දන්න කාරණයක් තමයි ශ්‍රී ලංකාව ගමන් කරමින් ඉන්නේ ජාත්‍යන්තර මූල්‍ය අරමුදලේ ණය ප්‍රතිව්‍යුහගතකරණ වැඩසහන ඇතුළේ. මේ වෙද්දී සියලුම කාර්යයන්වලට මැදිහත් වෙන්න සැලසුම් කරලා තිනේනේ ජාත්‍යන්තර මූල්‍ය අරමුදල හඳුන්වාදීපු වැඩපිළිවෙල ඇතුළේ.
පස්වැනිදා තිබුණු ප්‍රෙස් කන්ෆරන්ස් එකකදී අයිඑම්එෆ් ශ්‍රී ලාංකික නියෝජිත පීටර් බෘවර් ජාත්‍යන්තර මූළ්‍ය අරමුදලේ වැඩසටහන හොඳින් ක්‍රියාත්මක වන නමුත් ශ්‍රී ලංකාවේ පවුල්වලින් සීයට 50ක් ජීවත් වෙන්නේ දරිද්‍රතා රේඛවට පහළින්. මේ කියන්නේ මාක්ස්වාදය නෙවෙයි. අන්ත ධනවාදී ජාත්‍යන්තර මූල්‍ය අරමුදල. ජාත්‍යන්තර මූල්‍ය අරමුදලේ වැඩසටහන හොඳින් ක්‍රියාත්මක වෙනවා කියලා අන්ත ධනවාදීන් කියන්නේ කොහොමද?
සීයට 50කට වඩා ජීවත් වෙන්නේ දරිද්‍රතා රේඛාවට පහළින් නම් කොහොමද කියන්නෙ. මේ වැඩසටහනේ සුභසාධනය අරන් ඇවිල්ලා තියෙන්නේ අතලොස්සක් වන ධනපති පන්තියට පමණයි. ඉතාම පැහැදිලියි. මේ අපේ දත්ත නෙවෙයි. ජාත්‍යන්තර මූල්‍ය අරමුදලේ දත්ත.
මේ ජාත්‍යන්තර මූල්‍ය අරමුදල සහ ජාතික ජන බලවේගයේ අයවැය අතර තියෙන සම්බන්ධය. පුන පුනා කියන්න උත්සාහ කළා මේක ජාතිකවාදී තමන්ම නිර්මාණය කරපු සුභසාධනවාදී අයවැයක් බව. නමුත් සම්පූර්ණයෙන් මේකට විරුද්ධයි. ඉතම පැහැදිලිව අයිඑමඑෆ් අයවැයක්. මේ අයවැයේ මූලධර්ම රනිල් වික්‍රමසිංහ ඇතළු නවලිබරල්වදීන් අනුගමනය කරපු නව ලිබරල් මූලධර්ම විතරයි.
වොෂිංටන් සම්මුතිය කියලා කියනවා. ඇමෙරිකාව සහ ලෝකයේ බලවත් රටවල් කරපු සම්මුතියක්. අයවැයේ පළවැනි මූලධර්මය බවට පත්වෙන්නේ මූල්‍ය විනය හෙවත්, අයවැය නියාමනය. දමනය කිරීම. ඉතාම පැහැදිලිව ජත්‍යන්තර මූල්‍ය අරමුදල ඉදිරිපත් කරන වාර්තාවේ කියනවා ශ්‍රී ලංකාවේ අයවැයේ ප්‍රාථමික ශේෂය 2.3කට රැගෙන යා යුතුයි. මේකේ අනතුර තමයි සමාජයේ සුභසාධනය අවශ්‍ය කලාපවලට ගලා එන මුදල් ප්‍රමාණ්‍ය අඩු වීමට නියමිතයි. විශාල වැට් බදු ප්‍රමාණයක් නිර්ධන පාන්තිකයා මත පත් කරලා තියෙනවා. කිසිදු ආකාරයකින් මේ මූලධර්මය වෙනස් කරන්න ජාතික ජන බලවේග ආණ්ඩුව සමත් වෙලා නැහැ.
මේ අයවැය ඉතා පැහැදිලිව පදනම් වෙන්නේ ණය ප්‍රතිව්‍යුහගතකරන වැඩසටහන සමග. 2024 ජාතික ජන බලවේග ආණ්ඩුවේ ජනාධිපතිවරයා බවට පත් වූ අනුර කුමාර දිසානායක අත්සන් කරපු ණය ගිවිසුම් මත. ඇයි එහෙම කියන්නේ. මේකේ විශාල බිලියන 2000කට ආසන්න මුදලක් ණය පොලී ගෙවීමට වෙන් කරලා තියෙනවා. මේ අයවැය ලෙස සාධාරණීකරණය කරලා තියෙනවා. සම්බන්ධ කරලා තියෙනවා ණය ප්‍රතිව්‍යුහගතකරණ වැඩසටහනේ එක අංගයක් තමයි සාර්ව ආර්ථිකයට ගැලපූ බැඳුම්කර කියලා. මේ බැඳුම්කර ගැන දිගින් දිගටම මතු කළා. ප්‍රශ්නය තමයි ඩොලර් අගයෙන් ආර්ථිකය ප්‍රසාණරය වුණත් යහපත් විදියට බලපාන්නේ නැහැ කියන එක.
ඒකට හේතුව තමයි, අපේ ආර්ථිකය ප්‍රසාරණය වීම යහපත් විදියට බලපාන්නේ ණය හිමියන්ට. ඔවුන්ගේ සූත්‍ර ඇතුළේ තියෙනවා ඩොලර් බිලියන 89කට වඩා වැඩි වුනොත් අපට ලැබෙන ණය කප්පාදුවේ ප්‍රමාණය ක්‍රමානුකූලව අඩු වෙනවා. මේ සංවර්ධන දර්ශක පෙන්වලා ජාතික ජන බලවේග ආණ්ඩුව ඉදිරියට කරන්න නියමිත දේ තමයි අපි සංවර්ධන මාවතක ඉන්නේ කියලා පෙන්වන්න උත්සාහ කරයි. අපි රාජ්‍ය්‍යක් විදියට ගෙවිය යුතු ණය ප්‍රමාණය තවත් වැඩිවෙනවා. අපේ ණය කප්පාදුව ක්‍රමානුකූලව අඩු වෙන එක තමයි සිද්ධ වෙන්නේ. මේ ණ්‍ය උගුලට ජාතික ජන බලවේග ආණ්ඩුව අහුවෙලා තියෙනවා. දේශපාලනිකව වගකියන්න සිද්ධවෙනවා කියන එක අපේ තක්සේරුව.
2024 මැතිවරණ කාලයේදී වික්ෂිප්ත වෙන්න ඇති, සමස්ත සමාජය ව්‍යාජ සමස්තතාවාදයකට යට වෙද්දී. ජතික ජනබලවේගය සම්පූර්ණයෙන් බලයට යන්න ඕනෑ කියද්දී අපි පෙනී සිටියා. අපි කීවේ ජාත්‍යන්තර මූල්‍ය අරමුදලෙන් ඉවත් වෙමු කියන අදහස. ඇයි අපි මෙහෙම කීවේ. අපි නැවත නැවත කීවා ඩොලර් බිලියන 36කට වැඩි ණය ප්‍රමාණය ඇතුළේ අනීතික ණය ප්‍රමාණයක් තියෙනව. මේවා විගණනය කළ යුතුයි. මේක නොකර තමයි මේ අණ්ඩුව ඉදිරියට යන්නේ. ඔවුන් පොරොන්දුවෙලා තියෙනවා පිළිකුල් සහගත ණය ප්‍රමාණ්‍ය ගෙවලා ඉදිරියට යන්න. මේක ඉදිරියේදී ප්‍රශ්නයක් වේවි.
දෙවැනි කාරණය තමයි මුල ඉඳන් නිරීක්ෂණය කළා අයවැයට මේකේ තියෙන බලපෑම. නව ලිබරල්වාදීන් සෑහෙන තර්ක කරන්නේ රජයේ අයවැය හිඟයකට ආර්ථික අස්ථාවරත්වයකට ගමන් කරනවා කියලා. මහබැංකුවේ ආර්ථික විශේෂඥයන් පෙන්වන්න උත්සාහ කළේ මේක අයවැය හිඟයක් පවත්වාගෙන යෑම නිසා වුණේ කියලා.
ඔවුන් ඉදිරිපත් කරපු මැනිෆෙස්ටෝ එකේ ඉතාම තීරණාත්මක කාර්යභාරයක් රජයට පැවරෙනව. සුභසාධනය, වියදම් පරිපාලනය, අපනයනය වැනි කාර්යභාරයන් ඉෂ්ඨ කිරමේ සීමාවක් පැවරෙනවා. මේක තහවුරු කළේ ආර්ථික පරිවර්තන පනත. මේක ගෙනාවේ රනිල් වික්‍රමසිංහ පාර්ශ්වය. වඩා තද නීති ගෙනල්ලා නීතිගත කිරීම පැහැදිලිව දැකපු කාරණයක්.
අපි නැවත ගමන් කරලා තියෙනවා බරපතල ණය චක්‍රයකට. අපට මතකයි එක්සත් ජාතික පක්ෂ අණ්ඩුව පිළිබඳ කියනකොට කීවේ 17 අවුරුද්දක සාපය කියලා. අපි 17 අවුරුද්දක ණය සාපයකට යටවලා තියෙනවා. දේශීය බැඳුම්කර සහ විදේශීය බැඳුම්කරවලින්. ජාතික ජන බලවේග ආණ්ඩුව විසින් ණය චක්‍රයකට යට කරලා තියෙනවා. අපට පේනවා වැඩ කරන ජනතාවගෙන් නෙවෙයි මේ බදු මුදල් අය කරගන්න සිද්ධවෙලා තියෙන්නේ.
ඉදිරියට ජාත්‍යන්තර මූල්‍ය අරමුදල සටන පාඨයක් කර නොගතහොත් අලුත් බදු, අලුත් ණය, අලුත් වැඩසටහන්වලට මුහුණදෙන්න අපොහොසත් වේවි කියලා කියන්න ඕනෑ. මේ මොහොත තමයි කල්තියා මේක දැකලා මැදිහත් වෙන්න ඕනැ මොහොත. සෑම වාමාංශිකයෙක් ම, පුරවැසියෙක් ම මේ තතතවය අවබොධ කරගත යුතුයි.”
