සමාජවාදී ක්රියාකාරික ලයිස් ටූටි වහාම නිදහස් කරනු! අන්තර් ජාතික පෙත්සම
දෙසැම්බර් 14 වන දින,
සමාජවාදී කම්කරු පක්ෂයේ (PST) ප්රමුඛ සාමාජික, 2019 ජනප්රිය ව්යාපාරයේ (හිරාක්) සහ පාරිසරික අරගලයේ ප්රධානී, ජාත්යන්තර සමාජවාදී ව්යාපාරයේ ක්රියාකාරිකයෙකු ද වූ ලයිස් ටූටි, අඕකාස් නගරයේ ඔහුගේ නිවස අසලදී නැවත වරක් අත්අඩංගුවට ගෙන ඇත.
බෙජායියා විභාග මහේස්ත්රාත්වරයා විසින් ඔහුව ඕඩ් ගිර් බන්ධනාගාරයේ රිමාන්ඩ් භාරයට පත් කිරීමට නියෝග කළ අතර ‘MAK සමඟ සම්බන්ධතා’ සම්බන්ධයෙන් අපරාධ නීති සංග්රහයේ 87 වන වගන්තිය යටතේ ඔහුට එරෙහිව නඩු පැවරීමට නියමිතය. චෝදනා වලට වැරැදිකරු වුවහොත්ඔහුට වසර 5 ත් 10 ත් අතර සිර දඬුවමක් නියම කළහැකි බව වාර්තා වේ.
ඔහුගේ ජංගම දුරකථනය සෝදිසි කිරීමෙන් පසු ඔහුගේ චෝදනා පත්රය සම්පාදනය කර ඇත. ඔහුට එරෙහිව ප්රධාන වශයෙන් චෝදනා එල්ල වී ඇත්තේ ඔහුගේ PST සගයන් සමඟ පෞද්ගලික දේශපාලන හුවමාරු කිරීම් මෙන්ම 2025 ඔක්තෝබර් 11 දිනැති ‘කබිල් සියොන්වාදී ගැති ෆර්හාට් මෙහෙනිට කැපවීම’ යන උත්ප්රාසාත්මක ෆේස්බුක් සටහනක් ද එල්ල කරමිනි. ඔහු මෙම සටහනේදී, ලයිස්, සාම්ප්රදායික කබිල් ඇඳුමකින් සැරසී සිටින රීමා හසන්ගේ ඡායාරූපයක් ප්රදර්ශනය කරමින් MAK (කුප්රකට ජාතිවාදී සහ සියොන්වාදී ගැති බෙදුම්වාදී කණ්ඩායමක්) ට සමච්චලයට ලක්කර ඇත. පලස්තීන ප්රතිරෝධය සඳහා ඇයගේ කැපවීම සහ ගාසා අවහිරය බිඳ දැමීම සඳහා ෆ්ලොටිලා සංවිධානය කිරීමේ ඇගේ භූමිකාව සඳහා ප්රසිද්ධ (LFI) හි MEP ලා ෆ්රාන්ස් ඉන්සූමයිස් ගැන සඳහන් ව ඇත. පොලිසිය මෙම ප්රකාශනයේ අර්ථය අපකීර් තිමත් ලෙස විකෘති කරමින්, සියලු දෙනා හොඳින් දන්නා ඔහුගේ දේශපාලන ස්ථාවරයන්ට හරියටම ප්රතිවිරුද්ධ දේ ඔහුට ආරෝපණය කර ඇත.
‘ලයිස්’ සාධාරණ අරමුණු වෙනුවෙන් අරගල කරන ක්රියාකාරිකයෙකි, ආදර්ශමත් පුරවැසියෙකි, තම රටට සහ ජනතාව වෙනුවෙන් ගැඹුරින් බැඳී සිටින අතර ඔවුන් වෙනුවෙන් වෙහෙස නොබලා කටයුතු කරන අයෙකි. ඔහු සෑම සමාජ හා ප්රජාතන්ත්රවාදී අරගලයකටම සම්බන්ධ වී ඇත. ඔහුගේ ක්රියාකාරී ජීවිතය සනිටුහන් වූයේ ජාතිවාදයට එරෙහිව, අධිරාජ්යවාදයට එරෙහිව, සියොන්වාදයට එරෙහිව සහ ස්ථිරසාරව පලස්තීනවාදයට පක්ෂපාතීව කටයුතු කිරීමෙනි. ඔහුට පක්ෂව ප්රකාශ වී ඇති සහයෝගීතාවයේ පුළුල් ගලායාම ඔහුගේ ශ්රේෂ්ඨ දේශපාලන හා සදාචාරාත්මක අවංකභාවයට මෙන්ම ඔහුගේ කලාපයේ සහ ඉන් ඔබ්බට ඔහු වෙනුවෙන් ප්රකාශිත අනුකම්පාව සහ ගෞරවයට සාක්ෂි ඔහු කෙබඳු පුද්ගලයෙකු දැයි සපත කරනු ලබයි.
මෙම අභියාචනයේ අත්සන්කරුවන් ලෙස, සලකා බලන කරුණු වනුයේ:
- ලයිස් ටූආටි අත්අඩංගුවට ගැනීම පැහැදිලිවම අදහස් ප්රකාශ කිරීමට ඇති අයිතියට පටහැනි වරදක් වන අතර මූලික නිදහස, විශේෂයෙන් ප්රකාශනයේ, සන්නිවේදනයේ සහ සංවිධානයේ නිදහස බරපතල ලෙස උල්ලංඝනය කිරීමක් බව,
- ලයිස් ටූආටි අත්තනෝමතික ලෙස රඳවා තබා ගැනීමට එරෙහිව විරෝධය පළ කරන අතර ඔහු වහාම නිදහස් කරන ලෙස ඉල්ලා සිටි,
- නඩු පැවරීම ඉවත් කරගන්නා ලෙස බලකර ඉල්ලා සිටි,
- වෘත්තීය සමිති සහ සමිති ක්රියාකාරීන් මර්ධනය කිරීම අපි හෙළා දකින අතර සියලුම දේශපාලන සිරකරුවන් සහ හෘද සාක්ෂියට එකඟව කටයුතු කරන සෑම සිරකරුවෙකුම නිදහස් කරන ලෙස ඉල්ලා සිටි.
